У пятніцу, 12 снежня, на пляцоўцы Мінскага роварнага таварыства адбудзецца нефармальныя майстар-клас і дыскусія, прысвечаныя таму, як карыстацца роварам у зімовы сезон.
Час прыйшоў. Хутка на нашых вуліцах запануе сапраўдная зіма! І гэта не прычына, каб трымаць вашага двуколага сябра і самога сабе зажураным. Гэта час, калі роварам карыстацца магчыма. Зручна, бяспечна і з асалодай. Гэта час, калі на ровары можна ездзіць на працу, па справах ці нават катацца за горадам. Як гэта рабіць больш зручна, вы зможаце даведацца на нашай сустрэчы.
Тэмы майстар-класаў:
- Зімовы сезон — нязручнасць ці асалода?
- Як лепей апранацца — асноўнае пытанне.
- Як ездзіць бяспечна.
- Дзяўчаты на роварах. Досвед роварных аматарак.
- Якімі сродкамі найлепей даглядаць за дэталямі (ланцуг, вілка, зоркі). Якія ровары больш падыходзяць для зімы.
- Ці варта ставіць шыпаваныя апоны. Дзе іх набыць — у мінскіх крамах альбо праз інтэрнэт.
- Запрашаем таксама абмеркаваць пытанне, як зрабіць зімовыя шыпы на сваёй апоне самастойна.
Сваім вопытам падзеляцца дасведчаныя ўдзельнікі Мінскага роварнага таварыства Марына Амбражэйчык, Аляксандр Дзешчанка, Павал Гарбуноў і Джон Росмэн, якія на чатырох маюць досвед зімовай навігацыі больш за 34 гады.
Прыходзьце ўсе, хто ўжо мае досвед зімовых роварных паездак, а таксама тыя, хто яшчэ вырашае, карыстацца роварам узімку ці не.
Дата — пятніца, 12 снежня.
Месца — вул. Смалячкова, 14а.
Пачатак а 19-й (не спазняйцеся!).
Прысмакі да гарбаты — вітаюцца й спажываюцца.
Смак зімы прыходзіць падчас язды!
