У каманду «Мінскага роварнага таварыства» шукаем таленавітага бухгалтара. Не валанцёрства, а вакансія!
У рамках праекта «Развіццё гарадскога роварнага руху ў інтарэсах грамадскасці Рэспублікі Беларусь» каманда грамадскага абʼяднання «Мінскае роварнае таварыства» шукае новых супрацоўнікаў. Праект рэалізуецца ГА «Мінскае роварнае таварыства» і ўстановай «Цэнтр экалагічных рашэнняў» пры падтрымцы Еўрапейскага Саюза. Тэрмін рэалізацыі — 30 месяцаў.
Вакансія — «бухгалтар»
Вашыя рэзюмэ і пытанні чакаем адрас olga@bike.org.by. Вакансія адкрытая да 20 сакавіка.
Кола задач:
- Поўнае вядзенне бухгалтарскага і падатковага ўліку ў некамерцыйнай арганізацыі (грамадская членская арганізацыя) (адзіны бухгалтар)
- Работа ў праекце Міжнароднай тэхнічнай дапамогі (МТП) (другі партнёр у праекце, выкананне патрабаванняў кантракту пра грант, падрыхтоўка прамежкавых і гадавых справаздач па МТП, вызваленне ад ПДВ)
- Дзейнасць арганізацыі: правядзенне і ўдзел у грамадскіх мерапрыемствах, перамовы з дзяржаўнымі органамі, падрыхтоўка прома-матэрыялаў, кансультаванне ў пытаннях роварнага руху
- Кадры: загады, штат, дамовы падраду, ФСАН, БДС, камандзіроўкі замежныя і па РБ, разлік і выплата ЗП, авансавыя справаздачы
- Транспартныя выдаткі (улік ПЗМ)
- Правядзенне тэндараў па закупках
- Работа з банкам: правядзенне плацяжоў
- Паступленне матэрыялаў, спісанне матэрыялаў
- Частковае вядзенне дакументазвароту ў пары з асістэнтам-справаводам
- Работа ў «1С Бухгалтэрыя 7.7. Місофт»
Каго мы шукаем:
- З досведам працы ў некамерцыйнай арганізацыі, з МТП, або гатовага навучацца новай сферы дзейнасці
- Асабістыя якасці: адказнасць, уважлівасць, скрупулёзнасць, здатнасць хутка навучацца, аналітычны склад розуму, пошук аптымальных рашэнняў, уменне працаваць з заканадаўствам, патрабавальнасць
- Пажадана ведаць англійскую мову
Умовы працы:
- Поўная занятасць
- Штат каля 5 чалавек, але будуць яшчэ і дамовы падраду
- Частку працы можна рабіць дыстанцыйна
- Праца не ў офісным памяшканні, а ў «хатцы з агародам» — доме ў прыватным сектары ў раёне Залатой Горкі, у 10 хвілінах ад плошчы Якуба Коласа
- Дружны калектыў, абʼяднаны палкай ідэяй зрабіць горад лепшым, развіваць роварны рух у Беларусі
- Афіцыйнае працаўладкаванне
- Ёсць дасведчаны галоўны бухгалтар з партнёрскай арганізацыі, які дапаможа ўнікнуць у працу
