Белдзяржстрах унёс папраўкі ва ўмовы страхавання ровараў

Паведамляем усім раварыстам прыемныя навіны. У выніку абмеркаванняў і рэкамендацый ад МРТ Белдзяржстрах унёс папраўкі ва ўмовы страхавання ровараў.
 
З 1 траўня 2017 года ўнесены наступныя змены:
пашыраны пералік ровараў, якія прымаюцца на страхаванне ровараў, а менавіта ровараў з канструкцыйнымі зменамі, не прадугледжанымі вытворцам;
— цяпер на страхаванне прымаюцца ровары без узычэння дакументаў пра іх набыццё;
павялічаны час знаходжання ровара ў месцах агульнага карыстання – з 6:00 да 0:00 пры ўмове прымацавання да стацыянарнага абʼекта запіральным прыстасаваннем;
— пры страхаванні ровара членамі афіцыйна зарэгістраваных грамадскіх абʼяднанняў роварных аматараў (пры прадʼяўленні членскага білета) даецца зніжка 10%.
 
А таксама ўсім зарэгістраваным удзельнікам роварнага параду «VIVA, Ровар — 2017» даецца 10-працэнтная зніжка на страхаванне ровараў! Зніжка дзейнічае да 13.06.2017 пры ўзычэнні роварнага нумара ўдзельніка.

Такім чынам, для членаў Мінскага роварнага таварыства, зарэгістраваных для ўдзелу ў роварным парадзе, да 13.06.2017 ёсць магчымасць атрымаць зніжку ў памеры 20% на страхаванне ровараў.